لماذا شخصيات دي سي هُم الأعظم!؟

مُراجعة فيلم ووندرومان 1984

بدايةَ الفيلم كان مُميز جدًا بطريقة غير مُتوقعة، كنت فاكر إنه هيكون فيلم عادي ومجرد فيلم أستمتع بيه ومش هيكون زي قوة الفيلم الأول، لكن لا، الفيلم جيد.

الإفتتاحية كانت مُميزة وطريقة عرضهم لجزء من حياة الأمازونيات كانت رائعة.

القصة مُمكن تكون بالأول من الترايلرز وحسب التسريبات إنها سخيفة ولا تستحق، لكن أول ما تشوف الفيلم هتفهم هي ليه ممتازة.

تطور شخصية دايانا إتقدم بطريقة مُميزة، وتقديم شخصية باربرا مينيرفا كان جيد ولكن في بعض المشاكل في الشخصية نفسها، وآداء المُمثلة كريستين ويج خلا الأضواء تكون عليها أكتر.

أقل ما أقدر إني أقوله عن الممثل بيدرو باسكال وشخصية ماكسويل لورد إنها عظيمة جداً، وهو وشيتا من أفضل الأشرار في أفلام دي سي.

علاقة دايانا وستيف تريفور طبعًا كان عندي تحفظات منها إنها هتكون كرينجي وموضوع الحُب عمومًا، لكن علاقتهم ومشاهدهم كانت مُدهشة! الكاريزما مابين الممثلين والشخصيتين كان رائع، الحُب كان عامل أساسي في الفيلم وفي رأيي شخصيًا كان ممتاز لكن بيضل في ثغرات ومش هنناقشها تجنبًا لأي حرق.

الفيلم مُمتع وحيوي، وجو عصر الثمانينات إتقدم بطريقة ممتازة. السي جي آي والفيجوالز ومشاهد الأكشن كانت حلوة جداً بالرغم من وجود مشكلة في كام مشهد مُعين.

مُصطلح الهوب والأوبتميزم والي بعض الفانز وأغلبنا كرهناه وكان بسبب ظهوره بطريقة مُخربة في فيلم جاستس ليج الأول وسوسايد سكواد، المُصطلح فعلًا أظهر معدنه الحقيقي في الفيلم، الأمر كُله عبارة عن البطولية والأمل والحب والكثير من الأشياء الي ساعدت الفيلم يظهر بشكل حيوي، والرسالة الي بيقدمها الفيلم رسالة حلوة جدًا وعجبتني.

الفيلم مُختلف شوية عن أفلام زي شازام وأكوامان وبيردز أوف بيردز، الفيلم حيوي ومُدهش، وهذا النوع الي أفلام دي سي بتحتاجه.

طبعًا ذكرًا للثعبان، أنا بتفهم إن أغلب الدي سي فانز حاليًا بيكرهوا جيف جونز بسبب الي عمله في أفلام دي سي مثل جاستس ليج وسوسايد سكواد وتدخلاته في الفيلم بدرجة كبيرة، وحصلت مشاكل كتير فعلًا، لكن جيف جونز في الفيلم ده أثبت إنه مُمكن يكتب فيلم مُميز وينتجه بطريقة حلوة لما يكون هو والمخرج بيتفقوا في رؤية واحدة وبيكون بيناتهم إتفاق على طريقة سير قصة الفيلم وأحداثها، وفعلًا المُخرجة باتي جينكينز وجونز عملوا عمل برأيي عظيم. ومفيش حاجة تخفي دوره من الفيلم أو تقلل من الي قدمه. وبتمنى إنه يقدر يكمل ويكتب أفلام تانية وينتجها بدون إنه يتدخل بشكل خاطئ في رؤية المخرج نفسه ، وإنه فعلًا يفضل في دي سي (طبعًا إلا لو حصل العكس)

طبعًا لمسات زاك سنايدر الإنتاجية في الفيلم واضحة جدًا ومُميزة بطريقة رائعة، وخصوصًا إنه ساهم في الفيلم.

لازم نعرف إن دي سي مش كُل قصصها ظلامية للدرجة الي الفانز محسبينها، الي بيميز دي سي هو التنوع في تون الشخصيات والعالم وأي شخص بيقرأ قصص دي سي بيتفهم الأمر ، والتون الي بالفيلم مميز للشخصية وعالمها.

ودي سي مش مُحتكرة بنوع معين للأفلام ومش مُجبرة إنها تركز على نوع وتون واحد بدون تنويع زي أفلام مارفل، تون أفلام مارفل حتى بعيدة عن إنها تتقارن بفيلم ووندرومان.

وطبعًا الفيلم مش شبيه أبدًا بتون أفلام مارفل، التون الحيوي والمُمتع ومش ظلامي مش حكر على مارفل أو ماركة مسجلة بأسمها.

CorpsMeter:

8.5/10

مُلاحظة: ممكن إنك تكره الفيلم جدًا أو تعتبره مجرد فيلم عادي ومتوسط ومُمكن تخسف فيه الأرض وتعتبره فيلم فاشل، وده رأيك وليك أسبابك المنطقية طبعًا، مُش مجرد كرهًا في الممثلة أو الفيلم أو في المخرجة مثلًا وأي حد أشتغل في الفيلم، لكن ليك أسبابك وده رأيك وإنت حر. طبعًا.